اليوم العالمي للقلب😍

 

🚩 #الـيوم_الـعالمي_للـقلب ❤

بتاريخ 29 أيلول بتحتفل هالعضلة الجبارة العجيبة يلي عم تعطينا الحياة بلا تعب و كلل بعيدها ..

وللأسف أمراض القلب لساتها محتفظة بمنصبها كالمسبب #الأول للوفيات عالمياً و حوالي 17 مليون شخص حول #العالم بيفقدو حياتهن بسببها ..

لكن الجانب الحسن بالموضوع هو إننا قادرين نحمي قلوبنا و نحافظ على صحتها وصحتنا بخطوات بسيطة :

الخطوة الأهم هي معرفة #عوامل_الخطر للأمراض قلبية ؛ طيب شو يعني عوامل خطر ؟!

هي #عادات أو سلوكيات #بتحرض الإصابة بمرض قلبي أو #بتفاقم مرض موجود ..

منها : #البدانة و التدخين و ارتفاع الضغط و الكوليسترول و مرضى السكري و قلة #الحركة و النشاط البدني .

لكن للأسف ، في عنا عوامل خطر لا يمكن #التحكم بها متل التقدم #بالعمر أو وجود تاريخ #عائلي للإصابة بمرض قلبي .

والخبر الحزين إنو تفاقم هالعوامل رح يسبب مشاكل ممكن تنتهي #بالوفاة.

طيب كيف فينا نحافظ ع سلامة قلوبنا ؟!
الشغلة بسيطة ..

📍 إجراء #تحاليل دورية لتحري مستويات السكر و الكولسترول بالدم و مراقبة الضغط بشكل مستمر

📍 انتبه لوزنك ، و ابدأ بأسلوب حياة #صحي و نظام غذائي خالي من الدهون و الكوليسترول الضار و الملح و السكر المضاف

📍 النشاط البدني #المنتظم أثبت قوة فعاليته بالتقليل من خطر الإصابة بالامراض القلبية لذلك اختار التمارين يلي بتخليك مبسوط ..
مشي ، طابة ، سباحة ، و حتى الرقص و خلي مزاجك عالي لتحمي قلبك الغالي

📍 بالنسبة لأخونا #المدخن الحل الوحيد لإنقاذك هو #التوقف عن التدخين لأنه في معلومة بتقول أن المدخنون أكثر عرضة للإصابة #باحتشاء القلب بمعدل 6 مرات مقارنة بغير المدخنين و لا تستثنى من هذه الفكرة فئة #الشباب الذين يكثرون من التدخين .

وتذكروا دائماً أنو أمراض القلب بتبدأ بالتراكم من #الصغر ؛ لهيك ان كنت أب أو كنتي أم فقيامك بهالنشاطات رح تخليكون قدوة لأولادكم وبهالطريقة بتكونو عم تحموا قلوبهم ..

بالنهاية .. قلبك أمانتك وهو محرك الحياة حافظ على صحتو ولا تخلي إلا الناس يلي بتستاهلو تدخل عليه ❤

كل عام وقلوبكم مغمورة بكل الصحة والمحبة ..